Дрэ штуба ковлэс хачол момолы,
тэрды по чанга сы паш куна э дай,
фурына аври сыр рув холямо уинэл,
бандён о кашта кэ фэнчтра калы.
Дэл громо опрал э стрэха кхэритко,
о брышынд дэл баро, сыр э вэдратэр,
даёри прэ чаврэстэ илыткэс дыкхэл,
куна куниндой тэ штыл баги гилори:
«Доста, фурынэ, яв штыл ту кана,
мрэ чаврэс на джингав соибнастэр,
егли, мангав, тэна дэн шоля тэ тумэ,
хмары калэ, джян кригал сыгэдыр!»
Сов, чаворо, э фурына штылёл,
мрэ мангипнаса суно тро ракхно,
тася пхиравэса о синя тэрэ якхорэ,
дыкхэса ё кхам тэ кам мро илытко.
А. Плещеев, «Мамина молитва», перевод на цыганский
Дакиро мангипэн
© Copyright: Даниил Бахтало, 2026
Свидетельство о публикации №126020204938
Свидетельство о публикации №126020204938
Рецензии