Кэли мэ пхэнав манушытконэ али дэвэлытконэ чибэнца, нэ дрэ мандэ нанэ о кам ко авир мануша, мэ сом сыр кудунитко харкома али кимвало занитко.
Екхто лыл Коринфянэнгэ 13:1
Яшты, пшалоро, ту сан лаче-дёскро,
Ромэнгэ уса вастандэс.
Яшты тэ авэл, кай сан о годякро,
Сарэн круял сыклякирэс.
Яшты, миро мал, ту сан барвалюко,
Фэдыр авирэндэр ту сан,
Нэ кэли нанэ о кам андрэ тутэ,
Джибэ тро исы чучи зан.
Тэ кэли о кам авэл болыбнастэр,
Лэс дёса дыкхэл короро,
На чэби камэскэ хабэ э пибнаса,
О кам - бокхалэскэ маро.
На чэй татыпэ камэскэ кхамэстэр —
О кам сыр ё кхам хачкирдо.
Тэ кэли трушыл прэ лэстэ тховэна —
Лэс жыко агоро лыджял.
О кам — фэни ёв амэн ракхавэла,
Пир дром ёв амэнца тэ джял.
Фэни о кам ракхавэла
© Copyright: Даниил Бахтало, 2026
Свидетельство о публикации №126020204907
Свидетельство о публикации №126020204907
Рецензии