Кэли пхаро сы дро джибэ,
тугатэр дёса калёвав,
мэ дав якха ко болыбэ,
ясвэнца, Дэвла, Тут мангав.
Сан лачипнаса Ту пхэрдо,
кай болыбнастэр учэдыр.
Кэли авэл дэвэс кало,
Ту сан сарэндэр пашэдыр.
Мэ Туса на страхандёвав,
мири сан яг дро калыпэ.
Уса паш Тутэ тэ авав —
да сы чачо барвалыпэ!
Гэмэ сан пиро дром пхаро,
мэно дро мэньки ко трушыл,
бо кам Тэро — ёв сы баро,
э дэрьявэстэр хорэдыр!
Пир Тутэ зор нэви авэл,
ґаздёл о джий, радысои,
мэ бидаракрэс джяв англэ,
Тут дро ило, Дэвла, маи.
Кэли пхаро сы дро джибэ
© Copyright: Даниил Бахтало, 2026
Свидетельство о публикации №126020204884
Свидетельство о публикации №126020204884
Рецензии