1 куплет:
Ёв бистэрдя пэскрэ дадэс, гэя кхэрал
Ко чужо форо тэ-родэл ваш пэскэ бахт.
Лэи дадэстэр о ловэ, лаче э грэс,
Чаво камья тэ-дживэл бахталэс.
Припев:
Рисёв кхэрэ, рисёв кхэрэ - аври кало,
Рисёв кхэрэ, рисёв кхэрэ ко дад тэро,
Рисёв кхэрэ, дотэ ровэн, тут жакирэн,
Яв хасибнастэр сыгэдыр кхэрэ!
2 куплет:
Гэя э время, о ловэ ёв марнындя,
Бэшто ёв, на джины кай тэ-кэрэл кана.
Гэя тэ-чаравэл прэ фэлда балычэн,
Чёраханэс хая ёв лэнгиро хабэн.
3 куплет:
Джява кхэрэ, ко дад миро мэ рисёвава,
Пхарэ илэса дро ґэра лэскэ пэрава,
О простибэн мэ, роиндой, мангава лэстэр -
Бут дошало сом ангил мрэ дадэстэ!
4 куплет:
Миро чаво явья палэ - шунэн сарэ,
Сыс нашадо, нэ рисия кана кхэрэ!
Саро кай мандэ сы - явэла лэскиро,
Авэн сарэ, о свэнко тэ-явэл баро!
«Оставив дом, забыв отца», перевод на цыганский
Рисёв кхэрэ
© Copyright: Даниил Бахтало, 2026
Свидетельство о публикации №126020204838
Свидетельство о публикации №126020204838
Рецензии