Акваз-такваз фена вахтар,
Аял девир гурлу вац1 хьиз.
Гьам тир яраб чи шад бахтар,
Буй хьайила шуьк1уь нац1 хьиз.
Жегьилвални алатна фад,
Фагьумдалди писни хъ(и)сан,
Дадмишдалди уьмуьрдин дад,
Фена вахтар акьван масан.
Бирдан хьана кьилни лацу,
Гъалиб хьана кьуьзуьвални,
Гузмач т1ямни гату къацу,
Хару яна чимивални.
Фена вахтар,кьат1из хиял,
Квахьна рекье умударни.
Хьайид тир жал женжел аял?
Умуд ругна, уьмуьр дарни.
Къе кьил хьанва рехи дагъ хьиз,
Аквазмач мад к1ани ярни.
Руьгьда ама къацу багъ хьиз
Экуь дуьнья,дагъда гарни.
01.30.2026.
Фена вахтар
© Copyright: Нажмудин Шихнабиев 2, 2026
Свидетельство о публикации №126020103768
Свидетельство о публикации №126020103768
Рецензии