***
Мен барама жол бла энишге,
Жаяу, шош, тёгерекге къарай.
Кёрсем эди сени эшикде,
Барама мен аллымы марай.
– Къайрыса? – деп сордула гюлле,
– Сюйгеними излерге, – дедим.
Ала уа манга, кюле-кюле,
Масхара этдиле. Мен – кетдим.
Кетип барама, насып излей,
«Баргъан насып табар», – дедиле.
Мен а барама, сени тилей,
Жаныма асыулукъ бердиле.
Терекде чапыракъла, манга
Алгъышла айтып, ашырдыла.
Узун кёрюндю жолум санга,
Ала уа манга къайгъырдыла.
Байтуугъанланы Исмаил
Мен барама жол бла энишге
© Copyright: Исмаил Бейтуганов, 2026
Свидетельство о публикации №126013105245
Свидетельство о публикации №126013105245
Рецензии