***
Ётюрюкле жюрегими ачыта,
Кёлюм, жаным, саным бирден апчыта,
Атым мени кирли жерде айтыла,
башлагъанда… къыйын артха къайтыргъа.
Тохтамайды аманланы ишлери,
Аман отда кюедиле ичлери,
Айтадыла, кёзюме къарап, ариу.
Алай этип, аламыдыла къарыу?
Ызымдан а айтадыла башханы.
Ким ангылар бошалмагъан тасханы?
Жашайдыла ала къалай бу жерде,
Кишибиз деп, эрле кийим кийгенле?!
Ёз анамдан тамата тиширыугъа
Ёчлюк этип, заманла ашырыуда
Махтау аллыкъ сунасыз кесигизни,
Жыяргъа уа керексиз эсигизни.
Къоркъмаймысыз сиз сабийлеригизге,
Аллай бир гюнях иш этгенигизде,
Бетсизликни нёгер этген адамла,
Хыйнылыкъгъа, зарлыкъгъа байланнганла?
Аманланы кёрмесенг хаух дунияда,
Игилени къайдан билгин аламда?
Жокъ кертилик ала тутхан къаламда,
Жюрек жылыу, адамлыкъ да къарамда!
Байтуугъанланы Исмаил
Ётюрюкле жюрегими ачыта...
© Copyright: Исмаил Бейтуганов, 2026
Свидетельство о публикации №126013105191
Свидетельство о публикации №126013105191
Рецензии