СЮЙГЕНЛЕЙ КЪАЛДЫМ
Сюймекликден толу кёзлеринг
Алдаулуму болуп чыкъдыла?
Ариулукъдан толу сёзлеринг
Жюрегиме эшик ачдыла.
Жаз башыча чакъгъан жюрегим
Алгъынча уралмаймы къалды,
Жабылыпмы къалды эшигим?
Ортаны сууукълукъму алды?
Мен санга барыучу жолланы
Боранламы басып къойдула?
Ол санга элтиучю къолланы
Ырхыламы алып къойдула?
Къууанып жашаучу кюнлерим
Агъачхамы кетип къалдыла.
Тынгысыз урады жюрегим –
Сени къызгъаныпмы жойдула!?
Байтуугъанланы Исмаил
Сюйгенлей къалдым
© Copyright: Исмаил Бейтуганов, 2026
Свидетельство о публикации №126013105152
Свидетельство о публикации №126013105152
Рецензии