САБИЙЛИГИМ
Кёп чапханбыз арбазда,
Кюн, жауун деп къарамай.
Орамда, тауларымда
Ойнагъанбыз аямай.
Къарындашларым мени,
Ибрагим, Ильяс Талиб,
Болсун палахы кери,
Сизге игиси къалып.
Бахчада нартюхлени
Кюлде бишире эдик.
Жаз келсе, тереклени
Тытыр бла бояй эдик.
Суу боюнунда сууда
Зауукълукъ таба эдик.
Къар сууукълада къышда
Чана бла уча эдик.
Орамда къуууч ойнап,
Зауукълукъ таба эдик.
Дерслерибизни ойлап,
Биз бирге чаба эдик.
Кетдиле ол заманла,
Сиз да ёсюп кетдигиз.
Тансыкълайма аланы,
Муратлагъа жетигиз!
Байтуугъанланы Исмаил
Сабийлигим
© Copyright: Исмаил Бейтуганов, 2026
Свидетельство о публикации №126013105141
Свидетельство о публикации №126013105141
Рецензии