КЪАБАРТЫ
Къарындаш халкъым, ахшыса сен,
Къоншулукъда жашайбыз бирге.
Ёхтем болама санга да мен,
Игилик тилейме бу жерге.
Ахшы жашларынгы, Къабарты,
Сыйлайма жюрегимден, баям,
Аллах бизни бирге жашатды,
Сукъланырча ма саулай алам.
Алим* санга такъды жырларын,
Къабартыны уллу поэти.
Бийикге кётюрдю жашларын,
Ыразыды анга уммети.
Ахшы адамла бергенсе сен:
Алимле, поэтле, жырчыла.
Къалай къууанама анга мен,
Не кёпдюле сенде алчыла!
Ала барда, тамбла кюнюнг бар,
Бирликде жашайса къатымда.
Былай барсакъ, болмаз жолла тар,
Уллу Аллах болсун жанынгда.
*Алим — Алим Кешоков - народный поэт Кабардино-Балкарской Республики.
Байтуугъанланы Исмаил
Къабарты
© Copyright: Исмаил Бейтуганов, 2026
Свидетельство о публикации №126013105131
Свидетельство о публикации №126013105131
Рецензии