Ата журтум Россей

АТА ЖУРТУМ – РОССЕЙ 

Ата журтум, ёхтем къыралым – Россей,
Таза сууунг, узун сууунг – Енисей,
Ёхтемме мен: ана тилде – Эрисей!
Жашна, жаша кёп жылланы эсенлей.

Палахладан, жауладан да жакълагъан, 
Ёхтем атынгы бийикде туталгъан, 
Кертичилик къанда болуп жашагъан,
Ата журтум, ёхтем къыралым – Россей!

Къол узатып, къарыусузгъа жеталгъан,
Амалыкъгъа игилик бла къайтаргъан,
Иги муратла бла алгъа баралгъан,
Ата журтум, ёхтем къыралым – Россей!

Жигит, жигер жашларынгы сыйлагъан,
Къазауатда бел бюкмейин жашагъан,
Халкъларынгы бирликлерин туталгъан,
Ата журтум, ёхтем къыралым – Россей!

Тенглеринге керти тенглик эталгъан,
Аманладан кери болуп кеталгъан, 
Болушлукъгъа соруу этмей жеталгъан,
Ата журтум, ёхтем къыралым – Россей!

Сёзлеринге ие болуп къалалгъан,
Жерлеринги окъдан, топдан сакълагъан,
Адамынгы баш иймейин жашатхан,
Ата журтум, ёхтем къыралым – Россей!

Къыйын кюнде жюреклени жапсаргъан, 
Амалсызгъа, жарлыгъа болушалгъан,
Къоншуланы къайгъысына къарагъан,
Ата журтум, ёхтем къыралым – Россей!

Ата журтум, ёхтем къыралым – Россей,
Таза сууунг, узун сууунг – Енисей,
Ёхтемме мен: ана тилде – Эрисей!
Жашна, жаша кёп жылланы эсенлей.

Байтуугъанланы Исмаил