***
Мен билеме, кюнюм батса,
Тангым энтта да атарын.
Боз булут кёкню къаралтса,
Ызындан кюнюм къарарын.
Ийнанама тамбла кюннге,
Ол ахшы да болуруна.
Мамырлыкъ тилейме жерге,
Къаягъа, ташха, жолуна.
Ышанама тауларыма,
Бийикде учхан къушлагъа.
Ёмюрлюк болурларына,
Саулагъа, жашагъанлагъа.
Турлукъма сизге къарс ура,
Къууанып жюрегим мени.
«Сиз да, саула, тау журтума
Къууанч этигиз, – дей, – мени!»
Байтуугъан улу Исмаил
Мен билеме, кюнюм батса
© Copyright: Исмаил Бейтуганов, 2026
Свидетельство о публикации №126013105028
Свидетельство о публикации №126013105028
Рецензии