Ван хьайид тир - атайла кимел,
Яшлу итим, къарагъдай вири.
Гила жегьил к1венк1в алай мецел,
"Вишер ягъиз", жезва лап "дири".
Садаз гьич гаф тагуз рахазва,
Микрофон хьиз гъиле рюмкава.
Ички хуш яз адав къугъвазва,"
Путулкаяр са-сад ц1иразва.
Вичиз тахьай пайиз мад акьул,
Столдикай къвез ван, ийидай ц1ур,
Себзава низ? гатаз тахта кьул,
Кьац1урзава ким я лугьур кьур.
Чк1изва са-сад кьац1ай кимелай,
Тфу гуз,яргъа жезва итимар,
Секин туш гурц1улар къеневайд,
Къе бес я ман хьайи хийирар.
Гьайиф,гьайиф виш сарин адет,
Виридалай михьи тир чи ким...
Кьулухъ элкъуьгъ элдинд я минет...
Гъвеч1иди-ч1ехиди ят1а гьим?..
Давам хьурай ик1 гьикьван гагьди?..
Эхдани бес и кар Аллагьди?!
Ван хьайид тир...
© Copyright: Нажмудин Шихнабиев 2, 2026
Свидетельство о публикации №126012406626
Свидетельство о публикации №126012406626
Рецензии