Даькъала ювца аз яьча денца,
Хьо - са оаг1ув, хьамсара нана !
Деза хилда хьай к1аьдача дегаца,
Са духьа 1а мел лоаттадаьра.
Вахар лепалда, ираз хьерчаш,
Дог г1озадоахаш даиман.
Езийла наха, б1арга сийрдабоалаш,
Йоаг1аш яйча массахана.
Хилда са парг1ата хиннача балех,
Лайна хало ца хьежаш т1ехьа.
Юстара даьнна дахача рузкъо.
Ма болба дуненцара чам 1еха.
«Баркал !» оалаш лов сона хьога,
Укх муг1араш т1а байта яьккха.
Эшача хана я со хьоца -
Дуне эгаде, дезар даккха !!!
***
© Copyright: Дали Цечоева 77, 2026
Свидетельство о публикации №126012107541
Свидетельство о публикации №126012107541
Рецензии