1.Шарагри яргъариз мукай лув гайи хуьр,
Акурда лугьуда –дявеяр алахьна,
Душмандиз къван гайи, хванахва хвейи хуьр,
Ви дамах - минара гьайиф тир, ацахьна.
2.Къалай къуз гум авай гурмагъар т1имил я,
Кимерал алайбур аса гвай кьуьзекар.
Виликан дем кумач, ви гьалар сефил я,
Куьчейрай аквазмач чукурдай биц1екар !
3.Гъвейи тул элкъвенва вергерин макандиз,
Ван амач кфилдин, дагъларни сугъул я.
Суьруьяр гьалайбур суварай Мугъандиз,
Куьч хьана шегьерриз алвердал машгъул я.
4. Рухвайри гъурбатра к1ват1зава айибар ,
Тешпигь жез туьрквериз, урусриз, арабриз
Юкъуз пехъ, йифизни байкъуш я сагьибар,
Баркаван ерияр элкъвезва харап1риз.
5.Дидед ч1ал ,хайи къул , адетар -девлет я,
Техвейбур бубайри эцигай къалаяр !
Куь намус михьи туш, къвезвайди туьгьмет я.
Куьз ханай дидейри куьн хьтин балаяр ?!
Сефил хуьр
© Copyright: Сейфудин Шахпазов, 2026
Свидетельство о публикации №126012006973
Свидетельство о публикации №126012006973
Рецензии