Свасни къари

СВАСНИ КЪАРИ
ПРИПЕВ
Атана вун, атана
Свас рик1 алай атана,
Вун зи рик1 я лагьана,
Чаз кьведазни  шад хьана.

Куплеты
Къе зи к1вализ атанва,
Зи гададин ц1ийи свас,
Чи рик1ерни шад хьанва,
Ширин хьурай сад садаз.

Т1уруналди зин вуна,
Ширин вирт сиве туна,
Жедачни бес заз ширин,
Сифте къалай къари зин.

Дуьнья  ац1ай бахт хьурай,
К1вале берекат хьурай
К1вализ гъайи ц1ийи свас,
Виридлайни к1ан я заз.

Гьакьван к1ан ят1а ваз зун,
К1анда заз диде хьиз вун,
Ресторандиз фида чун,
Гьулерал юкъуз гатун.

Зи гададин свас лугьуз,
Дамахда за гьар юкъуз,
Сусал пара  рик1 алай
Къари хьанвани закай.

Ахъайдач за садазни,
Минетзава за вазни,
Гьич са гафни мад вакай,
Къизил я вун заз жагъай.

Зи рик1 алай  свас  иер,
Вазни хьурай шадвилер,
И мани лагь сусаз вин,
Жеда вун адаз ширин.



Вучиз ят1а кьаридал
Рази жедач чи сусар,
Залай вилик къарагъна,
Хьрак фуни чурана.

Вучиз ят1а сусарал
Къарияр рази жедач,
Гьалтнавани тек са зал,
Кутадай синиз авач!

Вун акурла шад я зун,
Чан зи къари, рик1 алай,
Зи гададин свас я вун,
Иер тир виридадай.