ЗАЗ К1АН ХЬАЙИ
Гьуьлерин яд жеда зун гатуз ,
Чими хьайи,
Зи патав вун атуй лугьуз,
Заз к1ан хьайи.
ПРИПЕВ
Заз к1ан хьайи , к1ан хьайи инсан я вун,
Рик1 шадардай гуьгьуьлдин дарман я вун.
Зи гьевесди хабарда ваз гьалдикай,
Вун такурла, зи рик1евай т1алдикай.
Цаварал рагъ алачирла
Мич1и жеда,
Вун зи патав авачирла,
Зун ишеда.
Ваз гьевесдин сефилвили
Къалурда гьал,
Са пеш хьиз зун ама лугьуз,
Къайи гарал.
Гьайиф я алатай йикъар
Галачиз вун,
Виридлай ширин я ви т1вар,
Ваз гьик1 лугьун.
Лифер рахадай ван алаз,
Цавай, цавай
Зи яр хьана, хьана вакай
Зи рик1 алай.
Дили, дили дуван хьана,
Лугьуз, лугьуз,
Заз вучиз икьван к1ан хьана,
Фикирди куз.
За ваз сирер ачухда гьик1,
Зи яр, зи яр,
Багъишда ваз вири зи рик1,
Кьуна ви т1вар.
Песню исполняет гр.Берекат
Заз к1ан хьайи
© Copyright: Сельмина Курабекова, 2026
Свидетельство о публикации №126011904713
Свидетельство о публикации №126011904713
Рецензии