Ша цlийи йис гьар са кlвализ,
Берекатлу лувараллаз.
Вуч кlан ятlа гьардан рик1из,
Твах на шивцин пурараллаз !
Алукьзавай йисуз цlийи,
Къуй и дуьнья ислягь хьурай.
Шад жеривал халкьар вири,
Дявеярни куьтягь хьурай !
Руьгьда чуьнуьх хьанвай серес,
Мурад-метлеб кьилиз фирай.
Къачузавай ният,нефес,
Гьар инсандин михьиз хьурай !
Ша цlийи йис бахт кьилеллаз ,
Гьар са йикъав гьайбатар гваз.
Сагъвал, садвал ,сабур авай,
Мергьяметлу савкьватар гваз!
Ша ц1ийи йис. Секина
© Copyright: Магомед Мирзоев Мирзой, 2026
Свидетельство о публикации №126011608726
Свидетельство о публикации №126011608726
Рецензии