Зи хиял
Зи рик1евай вакай хиял,
Гьик1 чуьнюхда къалур тийиз,
Зайиф хьайла зи рик1ин гьал,
Сир ачухна къалурда низ.
За ваз лагьай вири гафар,
К1анивилин гьиссеррикай,
Жуван рик1е хуьх, к1ани яр,
Лейли я зун, ви рик1 алай.
Гъетеризни багъишда за
Рик1е авай зи хиялар,
Ван жедайвал алхишда за,
Ви т1вар кьуна, зи к1ани яр.
Бахтлувилин рехъ гурай чаз,
Ашкъидин эхир авачир.
Ширин гафаралди рахаз,
Уьмуьр к1андач вун галачир.
За ваз лагьай вири гафар,
К1анивилин гьиссерикай,
Жуван рик1е хуьх, к1ани яр,
Зун Лейли я зун, ви рик1 алай.
Песню исполняет гр.Мелодия
ЗИ ХИЯЛ
© Copyright: Сельмина Курабекова, 2026
Свидетельство о публикации №126011408391
Свидетельство о публикации №126011408391
Рецензии