Билбилдин сес авай Суна,
Манийралди рик1 шадарда.
Руьгьдик лувар кутада вуна,
Чи манидар Седакъет.
Вуна лагьай манияр,
Чи рик1ера авазва.
Лезги мани хкаж авур,
Чи манидар Седакъет.
Чи мехъерар жеда гурлу,
Чи межлисар жеда шадлу.
Чи суварар жеда гурлу,
Чи манидар Седакъет.
Лезги эллер шад ийиз на,
Надир ширин сесиналди.
Лезги мани хкажна вуна,
Чи манидар Седакъет.
Ваз Мурада шиир кхьенва,
Кьабул ая гьуьрметдив на.
Са виш йисан чан хьурай,
Чи манидар Седакъет.
Мурад Тагирбеков
19.08.2023 йис .
Седагет Саидовадиз
© Copyright: Мурад Тагирбеков 2, 2026
Свидетельство о публикации №126011400186
Свидетельство о публикации №126011400186
Рецензии