Мани лугьуз гуьрчегдиз,
Тардихъ галаз сад хьиз.
Халкьдин мани хуьзва на,
Кьепиржуван руш, Наира.
Багълара ви гьатайла сес,
Инсанарни жеда серес.
Муьгьуьббатдин тардин сес,
Чи дагълара авазва.
Багьа я вун Кьепирриз,
Чирагъ я вун Лезгийрин
Багьа я вун Райондиз,
Кьепиржуван руш,Наира.
Тандал жеда гьамиша вал,
Экъеч1дайла сегьнедиз.
Вун сегьнедал атайлани,
Кьабулда куьн хъсандиз.
Эл мани рик1ел хкиз на,
Тамамарда виринра .
Вилик тухуз Лезги мани,
Сагърай вун,Наира.
Каспийскдани ава гьуьрмет,
Уьлкведани ава гьуьрмет.
Лезги халкьдиз я вун девлет,
Аллагьди хуьй,вун Наира .
Гьейранра дагълар,хуьрер,
Сусан булах манидал.
Гьевес хкажна чи эллерин,
Падишагьан манидал.
Мурадда ваз кхьенва ч1ал,
Ви бажарагъ акурла.
Ви лирлийрин ван хьайила,
Вири Куьре машгьурна.
Мурад Тагирбеков
26.03.2024 йис.
Кьепиррин билбил Наира Рагьмановадиз
© Copyright: Мурад Тагирбеков 2, 2026
Свидетельство о публикации №126011309816
Свидетельство о публикации №126011309816
Рецензии