Жюрегинги сезимлери

Сени ариу ауазынгы
Сейирликди макъамы,
Алып барын сагъышымы
Инжилтеди жанымы!

Тюшдюнг мени жюрегиме
Кирдинг аны теренине,
Тыялмайын кёз жашымы
Сакълайма энди аллынгы!

Терендиле сезимлери
Сени халал жюрегинги,
Барды ариу макъамынгы
Узакъдан келген мудахлыгъы.

Жюрегинг бла ётдюрдюнг
Мен жазгъан назмуланы,
Манга энчи эштдирдинг
Сейирлик макъамланы.

Уруш отунда Аппамы
Кёз аллыма келтирдинг,
Аны жигит нёгерлерин,
Къазауатха киргенлерин!

Окъла,толпа атылып
Жерни юсю жаннганда,
Аямайын жанларын
Къоркъмай алгъа баргъанла!


Аллах мени жаратханлы
Унутмадым аланы,
Жарытханлай турады
Уллу  атам аллымы!

Тынгылай ауазынга
Сейир эте макъамына,
Мудах болдум,сагъышландым,
Сени терен ангыладым!

Сейир  этдирген ауазынг
Элтди мени таулагъа!
Бийикледе,къаялада
Бурунгулу къалалагъа!

Алай къая башында
Эштилдиле къычырыкъла,
Кёз туурама келдиле
Ариу, ёхтем алан къызла!

Алан тюзюнде кёрюндюле
Болат БИЙНИ жигитлери,
Таугъа къарап от чакъгъан
Кюйсюз ТЕМИРНИ кёзлери.

 12,01.2026г.






,