СЕЙРАНАТ
Уьмуьр к1андач вун галачир,
Гьикьван вахт я лугьуз тежез.
Цав жеда зун гъед алачир,
Амукьайт1а ви ван тежез.
Зи йикъарни зи йифни вун,
Зи гатфарни са вун хьурай,
Зи вил гала вавди рахун,
Зи вилериз мус акурай?
Вучиз рик1е ава вун зи,
Йифиз, юкъуз фикир хьана,
Яр хьана вун, яр хьана зи,
Муьгьуьбатдиз гьик1 чир хьана.
К1ан я вуна лагьайла заз
Зайиф хьанвай рик1 ц1урада.
Жаваб гуда, гуда за ваз,
Касни к1андач, са вун к1анда.
Вилерай ви нурар акваз,
Гаф лагьана рахайла вун,
Гьейран жеда рик1ни ц1ураз,
Са вахъ галаз бахтлу я зун.
Зун жеда ви, са ви патав,
Шад юкъузни, сефил ч1авуз,
Ваз гудайдал чими ялав,
Ширин гафарни ваз лугьуз.
Гр.КАРАВАН УЖЕ ПОЁТ!!!
Яр хьана
© Copyright: Сельмина Курабекова, 2026
Свидетельство о публикации №126011107741
Свидетельство о публикации №126011107741
Рецензии