Акъ топракъда, бийик тау ашырыуда,
Жол жагъада — бахчала бла къабырла.
Шаптал терекле, кёкге,кюнге тартыла,
Сакълайдыла ол бузулгъан юйлени.
Анда-мында юй орунла,хунала
Ол сюргюнню ачы, къыйын белгиси.
Мында жашау тохтагъан эди ол шау кюн.
Къалгъанды жангыз тауланы ийиси.
Къайдадыла бу юйлени иелери?
Орта Азияда элтип, жолгъа атдыла.
Шапталлары — бахчаланы бийлери-
Ёксюз балалача,атылгъанлай къалдыла.
Ашырыудан башха ауузгъа бара,
Жолчу тохтар, ташха башын иерге.
Къарт терекле, кюнге, кёкге аралып,
Ушайдыла къайтмазлыкъ бир бийлеча.
Топуракъ басды таш юйлени орунун,
Алай бахча жашнап, кёзню алдайды.
Унутмай ол кюнню ачы къыйынлыгъын,
Хар жаз сайын бизге хапар айтады.
Акъ топуракъ Таш эсгерме
© Copyright: Ахмат Будаев, 2026
Свидетельство о публикации №126010606088
Свидетельство о публикации №126010606088
Рецензии