Аяз ура, буз жылтырай,
Жашчыкъ чыкъды тышына.
Къамчи алып,къууана,
Бузда тюз тап ортагъа.
Хайнюкчюгъун ийди да,
Къамчи бла уруп тебиреди.
Зыр-зыр этип, айлана,
Хайнюк бузда тепседи.
Урду къамчи — чапты ол,
Буз юсюнде жортду ол.
Жашчыкъ артха къалмайын,
Аны ызындан тапды жол.
Хайнюк терк-терк айланад,
Къамчи таууш эшитиле.
Жашчыкъ кеси да хайнюклай
Кюле,ойнай,секире,
Арымайды гитчечик,
Эрикмей хайнюк сюред
Буз юсюнде бу оюн
Жашчыкъгъа къууанч беред
Хайнюк бла жашчыкъ
© Copyright: Ахмат Будаев, 2026
Свидетельство о публикации №126010600224
Свидетельство о публикации №126010600224
Рецензии