Далла ловлда мустафа ганижев

     ДАЛЛА ЛОВЛДА             Мустафа Ганижев.
Далла лолда уж, б1арггаш дайначан   
е букът1абаьнчан, букъ нийсабелг –
К1езига ваь а Даьла раьзучан            
к1езига раьзвеш хилац товраделг!      

Далла лолда 1аьдалах ца хьокхавал,   
теннари халхаро хин курал ца е.         
Хулаш в1аьхий а, лочкъор ца дара в1ал,         
шеко яц нагахьа из могаш хуле.             

Далла лолда шедар довзаш хила,   
тийшабелхалош вина ца вулаш.            
Вувшвар воацаш, къизи воацаш вала,   
аьла ца хинар, кхеварг ца хулаш.          

Далла лолда к1езига човнаш хилар,          
Боккха т1ом болча метте нийсалуш.      
Далла лолда дукха паччахьи барт тар,      
Ца бовш, шоаш баха мотигах бовлаш!

Далла лолда, цун кортмукъале тар,            
хьона бала ца хулаш низбарца.         
Далла лолда, дезал мутахь хилар,         
Валача хьо цан дагавохарца!    

Далла лолда харц аьлдат д1адаккхар,      
Аллах1а д1ахозаш вай ду ду1а.               
Далла ловлда, вай хьостадалийтар,       
Къаьна е къона хилар доацаш а!      

Кхело вайна лур Аллах1а товлда,   
дика, дукха вай Цунна хьосталуш.      
Харцонца вахахаро ма 1ехадолда,      
Далла ловлда Шийна вай дезалуш!    

Далла ловлда, деза нахах вай дар,       
шийна бийзача нахах хулийташ –             
Ялсмале янна, Цо къахетам бар,         
Аллах1а тешара син кхоачамбеш!
....                27. 12. 2025 ш.