Гегьенш сугьбет за вакайни авурт1а,
Йисаралди зун шиир кхьиз ацукьда.
Ери бине авай вун зи ватан я,
Валди вири халкьарини чи гьейран я.
Шумуд йисар акъудна ви яйлахар,
Мажиб тагуз, к1валахнай за вун патал.
Зун хьан ч1ехи ви дагъларин къужахда,
Лап ч1угуна за ви гардан кьун патал.
Вун паталди зун чанни гуз гьазур я,
Зун гьамиша такабур я тек валди.
Зи рик1ин т1ал вун паталди т1анур я,
Зи хайи чил кьун тавурай завалди.
На кужумз(а)ва гегьенш, гьяркьуь вац1арни,
Югъ къандавай чун гьуьлуьхъди ялзавай.
На эхзава лап кьакьан тир дагъларни,
Гьар аямда чун дявед(и)кай хуьзавай.
Вал гьейран я вири халкьар дуьньядин,
Гьар уьлкведай ваз килигиз хквезва.
На хуьзавава пак намусвал инсандин,
Чи миллетриз вун к1анзава, герекз(а)ва.
Заз герек туш гьич Парижни,Турция,
Заз бес я хьи зи Дагъустан, хайи чил.
Куьз герек я чара уьлкве Греция?
Сагъ хьурай зи пак дагъларин рехи кьил!
Дагъустан
© Copyright: Муслим Арсенович Идрисов, 2025
Свидетельство о публикации №125123108162
Свидетельство о публикации №125123108162
Рецензии