Бацхьара йиш йоцу, сан хьоме доьзал

Бацхьара йиш йоцу,сан хьоме доьзал,
Дахарехь, эхартахь хуьлда шу декъал,
Иманехь-ихсанехь вай Дала ч1аг1деш,
Дехийла барт болуш,ирсаца гуттар.

Бацхьара йиш йоцу, сан хьоме доьзал,
Гойла шу даимна г1иллакхе, эсала,
Адмашца к1еда верг Далла а веза,
Дов доцу  ч1ир ериг цхьанна ца веза.

Бацхьара йиш йоцу, сан мерза доьзал,
Хуьлда шу, сан даго ма бохху, декъал,
Дуьненан харцонех Кхоьллинчо лардеш,
Массо а баланех сан до1наш къехкош.

Дехийла даимна, лар йуьтуш хаза,
Боккху ког беркатца,олу дош мерза,
Х1ора а хуманийн хуьлу шайн доза,
Цундела шайгара г1иллакхаш оза.

Муьлхачу х1усамехь ларъе деш бакъо,
Алале - Эла, цул т1аьхьа ву лай хьо,
 Сихаллехь аьллариг, г1айганца доьрзу,
Цундела маь1ан де х1ора а деша.

Бацхьара йиш йоцу, сан хьоме доьзал,
Лойла шун Аллах1а дуьне лан доьналла,
Шун меха дахарехь хума дац суна,
Хуьлда шу хиллачех уггаре декъал.

30.12.25год