Кьве зурба тир уьлкведин вун часпар я,
Азербайджан, Дагъустан на пайнава.
Вакай рахун, метлеб авай гафар я,
Шумуд касдин, рик1 на Самур т1арнава?
Зурба Самур, вун чи халкьдин бике я,
Иер вилел, ви тух жезвач инсанар.
Къван гатазвай кьерерин вун к1ек1е я,
Т1азвай рик1ер на инсанрин хъсанар.
Шир-шир къачун, физва ви яд чилерлай,
Эхир кьиляй Каспий гьуьлуьз аватда.
На ви уьмуьр башламишза дагъларай,
Ваз килигиз вири халкьар галатда.
Алчуд хьанвай, жегьил свасан кифер хьиз,
Элкъвенва ви вац1ун хвелер гьар патай.
Цуьк ахъагъай анар тарцин хилер хьиз,
Ухшар я вун ч1ехи вацраз цава (а)вай.
Самур вац1
© Copyright: Муслим Арсенович Идрисов, 2025
Свидетельство о публикации №125122708471
Свидетельство о публикации №125122708471
Рецензии