Вуч хъсан тир Советрин вахт,
Ленинани кьунвай хьи тахт.
Ачух тира инсанрин бахт,
Ч1ур хьана чи Совет уьлкве,
Горбачёвни аваз к1венк1ве.
Ц1увад хизан, ц1увад уьлкве,
Ам садвилин тир хьи луьткве.
Гьатна ама Горбач гъиле,
Ч1ур хьана чи Совет уьлкве,
Горбачёвни аваз к1венк1ве.
Хъуьт1уьн юкъуз, экуьн кьиляй,
Чи халкьарай акъатн гьарай.
Чк1анай чи уьлкве дигай,
Ч1ур хьана чи Совет уьлкве,
Горбачёвни аваз к1венк1ве.
Гьар са инсан хьанай тармар,
Сагъ тежедай тир ам къабар.
Чи хизанар авун бизар,
Ч1ур хьана чи Совет уьлкве,
Горбачёвни аваз к1венк1ве.
Вилаятар авун ялгъуз,
Хизанарни хьана бахтсуз.
Шумуд инсан кьен гьа юкъуз.
Ч1ур хьана чи Совет уьлкве,
Горбачёвни аваз к1венк1ве.
Чк1ана чи Совет уьлкве
© Copyright: Муслим Арсенович Идрисов, 2025
Свидетельство о публикации №125122708197
Свидетельство о публикации №125122708197
Рецензии