***
Зумакъулланы Танзилягъа
Закийлени да ахшысы,
Хар таулуну да къаршысы,
Малкъарымы сен ийнагъы,
Халкъым сёзюнге ийнанды,
Сёзюнг, тизгининг – турналай,
Бийикде къушла учханлай,
Къыш сууукъланы сындыра,
Жюрекге къарыу жыйдыра,
Лакъырданг ариу эштиле,
Кечмезликни да кечдире.
Ма аллай фахму бар сенде,
Ыз салып, жолла элтгенде!
Лязим, керти адамса сен,
Миллетге саугъагъа келген!
«Халкъым, Ата журтум!» - деген,
Насыплы жаша, сау-эсен.
О, татлы тилли Танзиля,
Ариу жашаугъа жол ызла!
Игилик жайгъан Танзиля,
Жилясанг, къууанчдан жиля!
Нюр бетли, ариу Танзиля,
Сёзюнгю нюрю жайыла,
Алай жаша узакъ жылла,
Назму устасы Танзиля!
Байтуугъанланы Исмайыл
27.12.2025 ж.
***
© Copyright: Исмаил Бейтуганов, 2025
Свидетельство о публикации №125122704635
Свидетельство о публикации №125122704635
Рецензии