Ч1ехи гъалибвал

Яхц1урни сад лагьай йисуз,
Гад атайла гуьлуьшан,
Ч1ехи дяве хьанай лугьуз,
Хабар хьанай лап перишан.

Гьикьван алчах вядеяр тир,
Фашистри кьил хкажнай.
Дуьнья михьиз дявеяр тир,
Гитлер к1венк1ве акъвазнай.

Шумуд агъзур инсан фенай,
Жуван хайи ватан хуьз.
Эхир Гитлер вични кьенай,
Тама авай къабан хьиз.

Каша гьатна, ич1из руфун,
Шад жез фан к1ус жагъайла.
Акатзава чандик зурзун,
Гьа вахт рик1ел хтайла.

Тармар хьанай шумуд инсан,
Шумуд хизан ч1ур хьанай.
Цуьквед авай Совет ватан,
Яракь кьаз мажбур хьанай.

Фенай вири яракьар гваз,
Фашистриз к1ур гун патал.
Женгер тухуз кьил-вил такваз,
Чун яшамиш хьун патал.

Берлиндал кьван фенай ахпа,
Пагь ат1анай душманрин.
Чаз гъалибвал гъанай зурба,
Шаднай рик1ер инсанрин.

Рейхстагдал тикнай пайдах,
Фашистрин рик1 ат1анай.
Яру аскер ийиз дамах,
Гъалибвал гваз хтанай.

Ша, халкьар чун сад жен вири,
Куьз я дяве чилерал ?
Ислягь хьурай гьардан ери,
Экуь цав хьуй чаз кьилер!