Хьанва къе зун, яр, михьиз дарих,
Заз ви гъилелай са чар кхьихь,
Вил хьайила, чар гъиле кьуна,
К1елда гафар за, заз багъишай на,
Багьа жеда заз цуькверилай,
Цава авайкьван гъетерилай,
Ви гъилелай зал агакьай чар,
Ви ширин гафар, ви ширин гафар.
Припев 2 раза.
Вил хьайила, вил хьайила, чар гъиле кьуна,
К1елда гафар за, заз багъишай на.
Ви гъилелай, ви гъилелай зал агакьай чар,
Ви ширин гафар, ви ширин гафар.
Зи ахвар квахьайт1а мад йифен,
Ви кагъаздиз гуз жеда темен.
Ахварал зун фейила ширин,
Вун хтана, ван атурай заз ви камарин.
Багьа жеда заз цуькверилай,
Цава авайкьван гъетерилай
Ви гъилелай зал агакьай чар,
Ви ширин гафар, ви ширин гафар.
Припев 3 раза
Вил хьайила, вил хьайила чар гъиле кьуна,
К1елда гафар за, заз багъишай на.
Ви гъилелай, ви гъилелай зал агакьай чар,
Ви ширин гафар, ви ширин гафар.
Ярдин кагъаз
© Copyright: Сельмина Курабекова, 2025
Свидетельство о публикации №125122408033
Свидетельство о публикации №125122408033
Рецензии