Яру къизилгуьл гуьрчег акваз,
Ракъин нурариз килигдай.
Чими гарал лепе гуз,къугъваз,
Гатфарни гад гекъигдай.
Бирдан са билбил гатун юкъуз ,
Къизилгуьлдал ашукь хьанай.
Ширин ванцел мани лугьуз,
Зи бахчадиз абур гъанай.
Салан цуьквер алван-алван,
Безетмишна алазвай.
Абурун арада тек къизилгуьл ,
Успагьи хьиз аквазвай.
Яраб,билбил,ви ван манидин ,
Къизилгуьлдиг агакьдат1а?
Яраб,ви къачур зегьметдин
Къиметдикай суракьдат1а?
Къизилгуьлдин уьмуьр куьруь ,
Гекъиг жеда рик1ик къайи.
Виш ранг хьайт1ан:яру,шуьтруь
Масад к1ан жеч вичелай гъейри.
Къизилгуьл ва билбил
© Copyright: Роза Белая 777, 2025
Свидетельство о публикации №125122406745
Свидетельство о публикации №125122406745
Рецензии