Къовди во1 мовда мустафа ганижев

     КЪОВДИ ВО1 МОВДА       Мустафа Ганижев    
      
Вовзацар наха Къовди Мовда,
Вар из къайлаг1а хин б1арчча экх.
Бицар цо ший къаман ца1 пайда,
Моастаг1ашта хулаш цох байракх.

Ший ц1аг1ар наха хацар бакъдар,
Хул цох хьаьший сесаг, тоссаш маза,
Хьоашал вод, х1ирий къаракъ молар,
Моршал кад а молаш цу к1азо.

Сий дар цо доадеш г1алг1ай к1антий,
Къаман наьха къайле д1аювцаш.
Моастаг1ашта хул цох «Вай Мотий»,
Коммун 1аьдало цун аьттув беш.

Из дар цунгар эрссашта дийзар,
Къамана торонаш цо кагъяр. 
«Вай Мотий» г1алг1ашта йовзацар,
Коммун 1аьдало из 1ехаяр.

Воаг1ар бийсан х1ирий юртар,
Веха Къовди Мовда теркавеш –
Г1алг1ай эбарг цох наькъа кхийтар,
Молув хай, из вийна 1авулаш.

К1антий я1! Г1алг1ай хин эбаргаш:
Къарчецун 1еса, Хьакхий Мажит* –
Шоай са дехка, бар уж лийнараш,
Дай Мохк бийзараш, къонахчул гойт.
           Къарчецун 1еса, Хьакхи Мажит* - г1алг1ай эбаргаш.

        Белгалдаккхар:
     Лакхе 1одийцар ма дара довзийташ хилча, д1адувца доаг1а, молаш хиннаб Къовди Мовди дае, даьвошие.  Уж шиъ шиъ во-0ша хиннав: Къодие, Къоасие яхаш ц1араш а йолаш. Совет 1а-ьдал даьлча активисташ а болаш Эхкий-Юрта колхоз в1ашаг-1йолача хана, наха харц-бакъ оакхал деш хьабаьхка нах хинн-аб. Мегаргболча наьха моастаг1ий хиннаб ужаш, жуккаргийе, йовсарал леладаь наьхие безаш хьаллийцаб уж шиъ воша.
     Колхоза собранех наха хетара-хазара е ца безама дарех дух-хьал наха хьалхишка оакхал деш хиннад цар. Къоаси хиннав лакхе хьалт1аваьле актив яг1ача къамаьл деш: «Хьанаьхка колхоза хьажкиш кхухьа, оалаш е ворда чарх ехьай оалаш». Ишттата д1аьхха оакхал деш хиннад цо.
     Собрани наха юкъе ваг1аш хиннав Къовди, цо оалаш хиннад ший вешига Къоасига: «Къоаси д1аде 1а къамаьл ма дарра, юх ца сецаш. Укхаз раьзабоацараш д1аяьзбеш ваг1аш со ва хьо-на». Иштта саго ца деш хиннар ший къаман наха духьал хьад-еш хиннаб Къовдие, Къоасие. Дала жожг1атар хьалмабоахал-ба уж!!
       Юххера Совет 1аьдало бехке а баь Сибарег1а бахийтаб уж.
Царех фу хинад  г1алг1ашта ца ховш, байна д1абаьннаб. Цхьа жуккар йо1 хиннай цу хана, цо локхаш хиннад пандарца ше даьккха илли. Укха тайпара юхаалар (припев) а йолаш: «Къо-вди, Къоси маьхка ваьккха, Хьо Дала йохайола Ц1ера машен, Хьо Дала йохайойла Ц1ера Пошта».
      Х1аьта цу  Совет 1аьдало шийна чуэтта лелара д1абаьхаб уж шиъ воша. Цу Къовди хинна во1 хиннав Мовда, х1ираш, чекисташ «Вай Мотий» оалаш. Ший дай боабаьболашехьа г1алг1ашта оакхал деш хиннад  Къовди во1о Мовдас. Иштта даькъазбаьнна г1алг1ай жуккаргаш хиннай хьала а, х1анза уж йолаш я, экхухаш, оакхал деш дуаш бола истола т1а баг1а нах. Дала йола цан йоаг1а кхел !!!
....                22. 12. 2025 ш.