Шчаслівая жанчына
Аб шчасці і спявае,
Бо граюць ёй не струны,
А сонца прамяні.
У самы лепшы момант
У памяці вяртае
Мелодыя кахання,
Пяшчоты, дабрыні.
Маркотная жанчына
Шукае ў песні выйсце,
Параду, паратунак,
Хоць кропельку святла,
Жыцця гукае радасць,
Што згублена калісьці,
Шукае шлях да месца,
Шчаслівай дзе была.
У стомленай жанчыны
Няма ніводнай ноты,
Мелодыі ніякай.
Спяваецца? Ані!
Адсутнічае песня:
Жаданне адзіноты,
Чаканне адпачынку
І смага цішыні.
Спакойная жанчына
Разважна адчувае:
Не рве напевам сумным
Узрушанай душы,
Не скача, не рагоча.
Яна - як ёсць - такая.
А ты аб чым спяваеш,
Сяброўка? Адкажы!
Жанчына спявае
© Copyright: Марина Ковалёнок, 2025
Свидетельство о публикации №125122000749
Свидетельство о публикации №125122000749
Рецензии