Яхь екхар, лай оамал тIаийцар - Сий ахка дахар

Яькха баге гIоттаяьча бохчаца Дай мохк дукха беза Iаьдалхошта - Къаман Балахошта.

Везан Даьла, лораделахь тхо шоай синой, Хьогахь доацаш, Иблисагахь дерзадаьчарех!..

Даьла воацар Бартхо воаца Дуне да ер…

Маьржа яI, са къам, кхеста ду хьо цIийла керчадеш, балийца лувчадеш.

ОарцагI вала, Везан Даьла - кавказхошта тIаоттадаьчоа Теш.

Мотт дIабаьлар - къаман са даьлар.

Наьна-мотт – Даьлера бесса мотт, къаман са, цун дог, Дала хIара халкъа къаьста Шийгара Iотесса сийрда зIи!.. Цунца къоастаду цхьа къам вокхогI: мотт дIабаьлар – къам, кхыча къамашца дIаийна, лар йоацаш дайна дIадаьлар...

Кхерамо берза са болат ду, чхьагIалкхий дода ду.

Маца тIера яргья Iаьржача деной цIеш йиза тIехьле?..

Iаьдал совгIат - пхо, моцал, дирст.

ОарцагI вала, Везан Даьла - кавказхошта тIаоттадаьчоа Теш!..

Лай оамал тIаийцар – Сий ахка дахар.

Нод Iоухача дешо сакхетам юхамаччахь боаккх (оазархо – И. Губерман, таржамхо Ф. Х.).

Дош - Iоажалo дIацакхоалла совгIат (оазархо – И. Бунин, таржамхо – Ф. Х.).

Кхоане хургьяц, тахане Iалаш ца йой.

Наьха мехка бала дIабуй, шийчача - гIайгIа оардаргья.

Дала диллача апарах дIаводачо тIаэца дезар кхайкадаь латташ да: наьха цIийх, наьха хIамах хьай са, хьай кильг лораде, яькхалах са IоцIенаде, хьагIах дог лораде, курал, сонтал ма лелайе…

Iаьдалхошта – Къмана Балахошта, хазне а хазац Даьла оаз: уж къорбийрзаб, хьаькъала лоацабеннаб, яькхалено дIалаьцаб, бIехача къизало готтабаьб - цар кер чура буъаш латт, дегчура Даьла лир дIадодеш латт...

Яхь екхар, лай оамал тIаийцар - Сий ахка дахар.

Наха тийшаболх бечоа, харцо лелаечоа, Даьла эгIазло Iоттаелхаргья, Даьлагара бекхам Iоттабелхаргба.

Дала кхела къам дохкар, Даьлацар Iохадар.

Адама духьал ваьннар Далла а вийзавац, иманацар а Iохаьдар.

Доал Иманнаькъанга кхаьчад е Иблиснаькъан карадахад?..

Саг къинтера ца воаккхар - Даьла ца лоархIар.

Иблиса хьехам дохьаж да, Даьла - бар, сина дарба да.

Мехка гIончаца къамаьл - ловцанца, къаман ваьразаца - довнца.

ЦIурхой тоаба - къаман зене тоаба.

Да ца лархIар - йовсар хилар.

Во тIехье кхер - боккха бала хьарчар.

Дика тIехье - салоIам, во тIехье - хьовзам.

Хьаькъал ца хилар - са набахт чудолдар.

Фаьрьгхой Хьамзат

Чантар бетта (декабрь) 19-ча дийнахь 2025 шера