https://www.youtube.com/shorts/kvY2uOmwTJk
Ізноў прыйшоў першы снег да нас,
Надоўга ці не – нязнама,
І чуецца мне ў вячэрні час
Любімая песня мамы.
Мо недзе там, у сваім раю,
Яна яе напявае,
І бачыць: з ціхай ласкай зямлю
Сняжок у нас накрывае.
Гляджу на сняжынак вясёлы рой,
На маладзік пазіраю,
Ледзь чутна я вячэрняй парой
Сабе пад нос напяваю.
Я ведаю –песні ў душы гучаць,
І ведаю я таксама,
Што сёння ўнучцы буду спяваць
Любімую песню мамы.
Нібы з радыёлы старэнькай зноў
Мне чуецца фанаграма,
І лечыць лепш за ўсіх дактароў
Любімая песня мамы.
03.12.2025
Любiмая песня мамы
© Copyright: Татьяна Короленко 2, 2025
Свидетельство о публикации №125121508070
Свидетельство о публикации №125121508070
Рецензии