ЧИ ДЕВЛЕТАР
Дагълара авай къацу яйлахар,
Михьи ятарин къайи булахар
Тамарзу тир гадаярни рушар,
Дамахни я чаз авай девлетар.
Манияр гьамиша мецел алай,
Лугьузва за хайи ватандикай,
Дагъларин гьар жуьре цуькверикай,
Гъил агакьдай, цавун гъетерикай.
Рик1ерани ч1ехи шарт1ар авай,
Чанда гъалибвилин гьунар авай,
Лекьер хьтин игит хваяр авай,
Чи Дагъустан я Шалбуз дагъ авай.
Чи бубайрин гелерин лезги чил,
Килигна ат1узвач вакай зи вил,
Хайи чилел вегьейла за зи кам,
Цавари ийизвани заз икрам?
Песня. Исполняют Ромик Кембералиев и талантливая Нури Абдуллаева.
Чи девлетар
© Copyright: Сельмина Курабекова, 2025
Свидетельство о публикации №125121407143
Свидетельство о публикации №125121407143
Рецензии