Б1АЬШУ Век Осип Мандельштам

              Б1АЬШУ /Век/          Осип Мандельштам
Са баьшу, са аькха, хьан могаргда,
Са б1аргаш чухьа чухьожаш
Е ший ц1ийца дар в1ашаг1лотаде
Шинбаь шера хин букът1аьхкаш?
Д1ег1дотта ц1ий хул хьадеталуш
Къамаргах, лаьттан т1ар х1амайх,
Дердайна жукарго паьшк бетташ
Керда денной хин на1ар саьнгахь.
Во саго вахар хьаэцашехьа
Д1адахьа ший букъа т1а дезаш,
Е шийн цагучох ловзар дешшехьа
Букът1аьхка цуна ухаш талг1еш.
Цхьа бери к1аьда чачкхам сана
Б1аьшери берал дола лаьтта.
Юх саг1ийна був 1ахирг хина,
Керта т1аьхк яхьа бахар хотта.
Б1аьшу дийза, хьадакхар дохь,
Керда вахар доладар дохь,
Гона шодамаш хинна денош
Деза зурмаца д1адехка дош.
Укха баьшеро талг1еш лестаеш
Саги йолча цхьа саготонца,
Цу баьца юкъе лехьо садоахаш
Дашо баьшера хула боарамца.
Кхы а гаьна совсаргъя ч1онкаш,
Баьццара г1а хул хьадолалуш,
Х1аьта йохаеш хьа букът1аьхкаш,
Хоза, к1аьддалу баьшу долаш!
Уйла д1аяьнна вела къажарца
Юха хьожаш, къиза е мела,
Аькха долаш мо, цкъа хул саттарца,
Цу ший т1оади хулача лара.
Дег1дотта ц1ий цига хьаухаш
Фортах, лаьттара хул х1амаех
Е б1айха чкъарах дар кегадеш
Б1айха берда хул чачкъам фордах.
Цу лакхача хьазилги ц1алгишчур,
Сигал беса т1аьдача тархах.
Мехкаш, хьамехка бебашха доацар
Цу хьо д1авувш долча лазварах.
...       Таржамбаьр ва М. Ганижев 13. 12. 2025 ш.