Сон радасны ў роднай хаце,
Як зоркі тлеюць у начы.
Павер мне ў гэтым, чуеш, браце?
Цвыркун спявае на пячы.
Дзівосны сон няхай прысніцца,
З маленства ледзь улоўны сон.
Прывабны дождж, ход навальніцы,
Часамі зрэдку сніцца ён.
Сон летуценны, сон прыгожы,
На жаль, не казачны той сон.
Але ён шчыра заварожыць,
Прыкрые, нібы парасон.
Тужлівы сон – трывожны часам,
Няхай нягода ўсё ж міне.
Бывае сон агідным пасам,
Мой лёс мяне не абмане.
Сон радасны ў Целяханах,
Бо там Радзіма, родны дом.
Запамінаю сон старанна,
Ён уваходзіць ў вершаў том.
Сон радасны
© Copyright: Татьяна Цыркунова, 2025
Свидетельство о публикации №125121402251
Свидетельство о публикации №125121402251
Рецензии