Замарока... Не да жартаў!
Інданезія. Аман.
Ці яно такога варта!?
Бо і зь імі – пэўны зман.
Лукамор'е… Ці Камора?!
Самазваная Сям'я.
Вахлакі! Трымайце Вора!
Ён жа Спадчыну падмяў.
Расцярушыў і зьняважыў,
Пад чыноўніцкі вэрхал.
Ды яшчэ чаго, крый Божа! –
Згубіць рэшткі на таргах.
На зямельцы небагатай –
Лес, нябрудная вада.
Ён жа – д'яблу памагаты,
А не годны гаспадар.
Вось, кульнуўся да Алжыру.
А з Літвою – на нажах.
У кішэнь цячэ спажыва –
Не да жартаў. Больш у Жах!
М'янма… Хай сабе і М'янма.
Басанож увесь народ.
Храм. Яму ж і тут прыемна –
У шкарпетках, пасярод.
11.12.2025
Замарока
© Copyright: Вольф Никитин, 2025
Свидетельство о публикации №125121204180
Свидетельство о публикации №125121204180
Рецензии