Роберт бернс байти таржам мустафа ганижев

    РОБЕРТ БЕРНС – БАЙТИ ТАРЖАМ       Мустафа Ганижев

                *  *  *               Роберт Бернс
- Ца1 дийна са дац-кха гонахь,      
Коа ара баьде хул соца. 
Мегаргди са веза доттаг1,
Корах чувал, хила хьоца?
- Баркал хьона, са сийдара,
Х1аьта хул вай, яь ч1оаг1алла:
Согахьа ца1 некъ хилара –
Киназа коана1ра г1олла.


         ХЬАЬРХО                Роберт Бернс
Хьаьрхо, домжвуз хьаьрхо,
1охьаш вай г1азкхий к1а.
Цо дохкаш шиллинг цох,
Доккхаш нухарт белха.

Домах виза, вуз б1арчча,
К1ай домах из хьалвизар..
Барташ даха цунц дийза –
Еррига со к1айялар.

Хьаьрхо, домажвуз хьаьрхо,
К1ай ва хьор мо хулаш,
Кхохьа к1ай хьаьрхочо
Домаждаьккха галеш.

Хьадоакха хул бохчачар
Хьаьрхочо к1ай ахча да.
Аз хьаьрхочо доттаг1чо
Цуна дезар, хьадергда!


                ИЛЛИ                Роберт Бернс
Хийна юкъе эрз хьалхулаш,             
Из хул сийна, нийсса, биткъа.
Аз вахаш сай дика денош
Д1ахьош йи1игашта юкъе.

Яхь вайна йоакхо сахаташ,
Хьакъердаш сиха адара.
Ираз а массекх минота хулаш
Дахь вайна, йи1игаш дара.

Руцкъа, сийле, лерх1ам баро,
Корзагдоаха вай амораш*.               
Уж кораде доаца торо, 
К1езиг ираз царц корадеш.

Сона ялахь мукъа сайрелг
Кхы а ч1оаг1а мархьлелхийта –
Е баз мухь вахар сатемзилг
Кийча ва со, шайт1ан вита.

Халийт со суду бехкеваь
Вир ц1оках бола судахой,
Х1аьта къаьна, хьаькъалч Сулейм,
Езаш хиннав йи1игаш – ай!   

Хьалхъа ма1ал хинад кхелла,
Т1аккх ишколе да яьккхалга,
Айлам Кхеллар кхоачаш хула
Цу т1ехь хоза кхал-ма1алга.
..                / амораш* - страсти /


               МОАРШАЛЛА КАД АЙБАР              Роберт Бернс
Шоай дар долчар, дар хул – цар ха хул яа ца могаш,          
Х1аьта кхычан мога яа, кхы баг1аш маькх йоацаш.

Х1аьта тхога, хул даар, цунца дар сенца дуаш, –
Долче, вайна дусар да ца1, сиглен баркал оалаш!


   КОГАШ БАРЗАН ЙО1           Роберт Бернс
Цу йи1и барзан хин когаш,               
Сона бицбала ца магар.
Хеталора т1ий т1ар кхераш,
К1аьда ц1ока коги дохар.

Цу моча когашта ювха
Бесай хул сафьян е даьри.
Из мо йо1а дезар яг1а,
Вайна т1ехьапкхийна баьри.

Удар тоатолг цун мосашта
Гетан* г1озаш деш наькха т1а.
Б1аргаш къаг бийсай бодоца,
Наькахочун хьехаш никъ т1а.

Ерриг хозяргаш* цо къовлаш,
Из ца йовзе а лакхачен*.
Из бакъахьар, айхье йолаш,
Цол безаме йоацаш дунен.
   гетан*—льяной; хозяргаш* - красавицы; Лакхаче* - свет.
....                10.12. 2025 ш.