***
Я праводжу свой год і зноў дзякую Богу
За вялікую ў працы і ў песні падмогу,
За сяброў, за суседзяў, за бульбу і хату,
За святло і за газ невялікую плату,
За грыбы, што збіраў я за вёскай у лесе,
За птушыныя песні ў жывым паднябессі.
Я праводжу свой год, у які не вярнуся,
І зноў дзякую любай маёй Беларусі
За пражытыя дні, за прапетыя словы
І за колер бяроз шакаладна-барвовы,
Што на ўзгорку стаяць і глядзяць на дарогу...
За свой сённяшні дзень шчыра дзякую Богу!
08. 12. 2025 г.
Я праводжу свой год i зноу дзякую Богу...
© Copyright: Юрий Боровицкий, 2025
Свидетельство о публикации №125120805107
Свидетельство о публикации №125120805107
Рецензии