Навагодняя Ялінка
Ў хаце ажыла.
Зорачка на верхавіне
Сілу ёй дала.
Дзеці скачуць і смяюцца,
Песенькі пяюць.
А Ялінка разам з імі
Цацкамі звініць.
Дожджык льецца на іголкі
Але без вады.
Ён бліскучы і яскравы,
Быццам залаты.
Мандарынкі і цукеркі
З нітачак звісаюць.
Зайчык, ліска і вавёрка
З дзеткамі гуляюць.
Пад Ялінкаю схаваўся
Стары Дзед Мароз.
Як жа ён у цёплай хаце
Адмарозіў нос?
У бабулі ён калісьці
Ў скрыначцы ляжаў.
Ні крупінкі чараўніцтва
Там не атрымаў.
Гэта толькі проста цацка,
Што і гаварыць!
Падаруначкі не зможа
Дзеткам падарыць.
Дзед Мароз прыйдзе сапраўдны,
Іх не абміне.
Кожнаму падорыць тое,
Што бачыў у сне.
7.12.25
Навагодняя Ялiнка. верш
© Copyright: Татьяна Домаренок, 2025
Свидетельство о публикации №125120700726
Свидетельство о публикации №125120700726
Рецензии