1А ХЬАКХАЧАР Мустафа Ганижев
Хьакхаьчар хьо хьай ювраг1 т1акхолаш,
Хоаламца, меража шелал йилла.
Хьайгар совг1ат хачеча чудолаш,
Из 1а хилара к1ай кий т1атилла.
Хье дезадолийта болх бе моги,
Хьайгар шерал массанена кхоачаш?
Дика-м дар хьо 1а кхера ца вори,
Хьалхар хана хулар – 1а дезалуш.
Сага гуча, тайна хил ца могаш,
Х1азилга е къайга ла хала хул.
Массарел ч1оаг1а, ч1оаг1а а доацаш,
Сийнача сиглен товраде хьо доал.
Ара лоа 1одилла к1ай кувс уллаш,
1аухкаш т1ергех шийла шонаш ду.
Хий т1а шобара, маркъил хул хохкаш,
Бераш г1аддаха, ц1аг1арч детташ тов.
..... 07. 12. 2025 ш.
1а хьакхачар мустафа ганижев
© Copyright: Мустафа Ганижев, 2025
Свидетельство о публикации №125120706656
Свидетельство о публикации №125120706656
Рецензии