Са низ гъалибвал я, са низ - кумукьун
Са низ кьиникь хьана, са низ - амукьун.
Са низ намус, виждан вичин вине кьун,
Са низни - бубадин бармак агъузун...
Са низ гъалибвилин ван я атайди,
Са вужтlа гъавурда акьазвач адан.
Дидеяр хьана, кlус ччар я хтайди,
Гъилериз ахкунач веледдин гардан...
Са низ мах хьтин я а хьайи крар,
Ахварайни акур вакъиаяр туш.
Де чка атайнал къати я къарар -
Тlветl хьиз гъалибвилин метел жед алтlуш...
Дявейрин цlаярай саламат хьайи
Фагъирар мад вичин кеспидик хьана.
Стlални чандикай таганвай иви,
Ни ятlа гъалибвал пешкешдай кьуна...
30.04.2025
9 - майдин къаз...
© Copyright: Намик Фарзалиев, 2025
Свидетельство о публикации №125120700616
Свидетельство о публикации №125120700616
Рецензии