Хтулдин гугъуьна зверзава
Бубади, нефес кьаз:
- Катмир, чан бубадин,
Са герен санал къваз!
Де хтул лап йигин катзава,
Бубадин тавакъу кваз дакьаз.
Аватна гужунай бубадиз
Ял ягъиз кlанзава.
- Ша, буба, ша, буба!
Хтулди адан гъил
Ялзава.
Хва ятlа тефена акъвазрай:
Хтулдин вилерал гимишдин
Стlалар жезва хад.
Эх жезвач бубадин рикlивай,
Ава ам звериз мад...
Гьа икl я гьар сефер,
Ийизва шындакьар
Бубад кьил акурла.
Мажбурна катиз гуз
Вич галаз.
Буба мад зверзава,
Юкь агъуз какурна.
Жезавач бицlекдин хатур хаз.
Къугъунрин эхирда галатна,
Ахварал физава бицlиди.
Буба ярх жезава дивандал,
Мягьтел яз хьанвайдан
Вич ихьтин цицlиди...
05.08.2025
***
© Copyright: Намик Фарзалиев, 2025
Свидетельство о публикации №125120704892
Свидетельство о публикации №125120704892
Рецензии