Са гаф авай халис итим кьилеваз,
Гьуьрметлу эл сад хьана пак гелеваз,
Лапатка-пер, ёлка таза гъилеваз,
Хуьруьгерин тамун либас дегишна!
Хкаж хьана лекьер хьиз хурал суван,
Дуьньяд винел несилриз тазвай йикъан,
Суваб кардик кутуна са пай жуван,
Хуьруьгерин тамун либас дегишна!
Гуьзел тамук шадвилин сес акатна,
Елказ атир галай шагьвар акъатна,
Гатфарин хер, зулуз гар хьиз алатна,
Хуьруьгерин тамун либас дегишна!
Сагърай чи халкь, къене зегьем рик1 авай,
Гьар са рик1е тамун дерт-къам, цуьк авай,
Кьадам къачуз дагъдай виниз тик авай,
Хуьруьгерин тамун либас дегишна!
Хуьруьгрин там нине я чи вилерин,
Ам дамах чи виридан руьгьерин,
Куь зегьметар квахь тавурай гъилерин,
Хуьруьгерин тамун либас дегишай!!!
Секина. сагърай чи халкь
© Copyright: Магомед Мирзоев Мирзой, 2025
Свидетельство о публикации №125120408258
Свидетельство о публикации №125120408258
Рецензии