КХЕЛО ДЕР Мустафа Ганижев.
Таханарча ден са те1адеш,
Новцольг декац е илли алац.
Баьде тархах, тховна к1ал улаш,
Из дог1аргдола чурт мара дац.
Г1атта даха таьсках зов доалаш,
Цхьацца х1амаш лаьттан т1а гора;
Цу 1аьржа къайго ц1ог1а тохаш,
Из г1аьнахь хиналга а хайра.
Хантилга т1ехьа хантилг* йодаш,
Хан дакъилг цох хиларца лайна.
Лаьттан т1ар вахар доаде хьожаш,
Са тохалга йоцача денна.
Из ха а шишболаш хул сага,
Мел къайла дог ураоттара.
Сахьата г1олрог удаш наькъа,
Сино ца юташ ший амара.
Ха яр йодаш сахьата этта,
Безам т1абаха кхел а йодаш,
На1ара чуг1орт, к1айла латта,
Вайна дийзар а, цо д1адоадеш.
.. / Хантилг* - миг, момент /
.... 02. 12. 2025 ш.
Кхело дер мустафа ганижев
© Copyright: Мустафа Ганижев, 2025
Свидетельство о публикации №125120202902
Свидетельство о публикации №125120202902
Рецензии